«ПСЖ» ва Франция терма жамоаси қанот ҳужумчиси Усмон Дембеле ўзининг жисмоний ҳолати ва руҳий ҳолати ҳақида фикр билдирди. Вингер ўз фаолиятидаги энг яхши босқични бошдан кечираётганини таъкидлади.
«Менда тажриба анча ортди, ўйиним даражаси эса ўтган мавсумга қараганда сезиларли даражада ўсди. Ҳаммаси фақат яхши томонга ўзгармоқда: мен вазминроқ ва мулоҳазалироқ бўлиб қолдим», — дея Дембеленинг сўзларини келтиради Fox Deportes.
Жорий мавсумда 28 ёшли футболчи 29 та учрашувда иштирок этиб, ўз ҳисобига 12 та гол ва 8 та голли узатмани ёздириб қўйди.
Франция чемпионатининг 26 туридан сўнг парижликлар 60 очко жамғарган ҳолда турнир жадвалида биринчи ўринни эгаллаб турибди.
