«Arsenal» himoyachisi Pyero Inkapie Ekvador terma jamoasi safida jarohat oldi. Tibbiy ko‘rikdan so‘ng futbolchi milliy jamoa qarorgohini tark etib, Londonga qaytmoqda, deb xabar beradi insayder Fabrisio Romano.
24 yoshli himoyachi kelayotgan hafta davomida klub shifokorlari tomonidan qayta ko‘rikdan o‘tkaziladi.
Juma kuni Pyero Marokashga qarshi o‘rtoqlik uchrashuvida (1:1) 72 daqiqa harakat qildi. U seshanba kuni bo‘lib o‘tadigan Niderlandiya terma jamoasi bilan bahsni o‘tkazib yuboradi.













