Braziliya terma jamoasi bosh murabbiyi Karlo Anchelotti 40 yoshida ham «Milan» tarkibida yuqori darajadagi o‘yin ko‘rsatayotgan Luka Modrich haqida o‘z fikrlarini bildirdi.
«Modrich hali ham o‘yin taqdirini hal qilyaptimi? Bu alohida holat, chunki Madridning «Real» klubidagi faoliyatimning so‘nggi yilida, u 39 yoshda bo‘lishiga qaramay, birorta ham mashg‘ulotni o‘tkazib yubormagan edi. U nafaqat ruhiy, balki jismoniy jihatdan ham a’lo holatda», — dedi Anchelotti.
Luka Modrichning «Milan» bilan amaldagi shartnomasi 2026 yilning o‘rtalarigacha mo‘ljallangan. Nufuzli Transfermarkt portali xorvatiyalik futbolchini 4 million yevroga baholamoqda.
