Markus Reshfordning ijara muddati yakunlangach, «Barselona»da qolishi hali aniq emas. Kataloniyaliklar hujumchini «Manchester Yunayted»dan sotib olmasliklari mumkin, chunki buning uchun 30 million yevro to‘lash talab etiladi. Kelishuvda aynan shunday summa ko‘rsatilgan, «qizil iblislar» esa hozircha yon berishmayapti (agar matbuot xabarlariga ishonadigan bo‘lsak).
Mundo Deportivo nashrining xabar berishicha, «PSJ» Reshfordni kuzatishda davom etmoqda. Liga 1 grandi ingliz futbolchisini tarkibni kuchaytirish uchun nomzod sifatida ko‘rib chiqishi mumkin.
Shuningdek, 28 yoshli Reshfordga Italiya A Seriyasining top-klubi — «Milan» ham qiziqish bildirmoqda.
2025/2026 yilgi mavsumda Markus Reshford 39 ta o‘yinda maydonga tushib, 10 ta gol urdi va sheriklariga 13 ta golli uzatmani amalga oshirdi.
