Dushanba kuni «Bavariya» Rafael Gerreyru mavsum yakunida klubni tark etishini e’lon qildi. Portugaliyalik futbolchi bilan shartnoma uzaytirilmaydi — tomonlar bu borada kelishuvga erishishdi.
Portugaliyaning Record nashri xabar berishicha, Gerreyruning keyingi klubi «Benfika» bo‘lishi mumkin. Lissabon klubi yozgi transfer oynasida 32 yoshli himoyachi bilan shartnoma imzolash imkoniyatini ko‘rib chiqmoqda.
«Benfika» rahbariyati Rafaelning mahoratini yuqori baholaydi, biroq hozircha taklif aniq yuborilishi bo‘yicha kafolat yo‘q.
Gerreyruni yozda erkin agent sifatida tekinga qo‘lga kiritish mumkin bo‘ladi. Qizig‘i shundaki, Rafael shu paytgacha o‘z vatanida klub miqyosida hali o‘ynamagan.
Hozirda «Benfika» bosh murabbiyi Joze Mourinyu hisoblanadi.
