Душанба куни «Бавария» Рафаэл Геррейру мавсум якунида клубни тарк этишини эълон қилди. Португалиялик футболчи билан шартнома узайтирилмайди — томонлар бу борада келишувга эришишди.
Португалиянинг Record нашри хабар беришича, Геррейрунинг кейинги клуби «Бенфика» бўлиши мумкин. Лиссабон клуби ёзги трансфер ойнасида 32 ёшли ҳимоячи билан шартнома имзолаш имкониятини кўриб чиқмоқда.
«Бенфика» раҳбарияти Рафаэлнинг маҳоратини юқори баҳолайди, бироқ ҳозирча таклиф аниқ юборилиши бўйича кафолат йўқ.
Геррейруни ёзда эркин агент сифатида текинга қўлга киритиш мумкин бўлади. Қизиғи шундаки, Рафаэл шу пайтгача ўз ватанида клуб миқёсида ҳали ўйнамаган.
Ҳозирда «Бенфика» бош мураббийи Жозе Моуринью ҳисобланади.
