Hozirda D Seriya'da «Kyevo» sharafini himoya qilayotgan vinger Duglas Kosta «Barselona» hujumchisi Robert Levandovskining kelajagi haqidagi fikrlari bilan o‘rtoqlashdi. Avvalroq, polshalik futbolchining xizmatlariga «Yuventus» qiziqish bildirayotgani ma’lum bo‘lgan edi.

«Robert turli uslublarda gol uradi. U «Yuventus» uchun juda katta yordam bo‘lgan bo‘lardi. Men unga faoliyatining yakuniga qadar shu oq-qora libosni kiyishni maslahat bergan bo‘lardim. U har qanday vaziyatdan gol ura oladi va buni hali ko‘p yillar davom ettiradi», — deya Kostaning so‘zlarini Tuttosport nashri keltirmoqda.

37 yoshli Levandovskining Kataloniya grandi bilan shartnomasi 2026 yilning iyun oyigacha mo‘ljallangan. Joriy mavsumda u 37 ta o‘yinda maydonga tushib, 16 ta gol urdi va 2 ta golli uzatmani amalga oshirdi.