Ҳозирда D Серия'да «Кьево» шарафини ҳимоя қилаётган вингер Дуглас Коста «Барселона» ҳужумчиси Роберт Левандовскининг келажаги ҳақидаги фикрлари билан ўртоқлашди. Аввалроқ, польшалик футболчининг хизматларига «Ювентус» қизиқиш билдираётгани маълум бўлган эди.

«Роберт турли услубларда гол уради. У «Ювентус» учун жуда катта ёрдам бўлган бўларди. Мен унга фаолиятининг якунига қадар шу оқ-қора либосни кийишни маслаҳат берган бўлардим. У ҳар қандай вазиятдан гол ура олади ва буни ҳали кўп йиллар давом эттиради», — дея Костанинг сўзларини Tuttosport нашри келтирмоқда.

37 ёшли Левандовскининг Каталония гранди билан шартномаси 2026 йилнинг июнь ойигача мўлжалланган. Жорий мавсумда у 37 та ўйинда майдонга тушиб, 16 та гол урди ва 2 та голли узатмани амалга оширди.