Madridning "Atletiko" klubi "Chelsi" futbolchisiga jiddiy qiziqish ko‘rsatmoqda.

As nashri xabariga ko‘ra, Madrid klubi ayni damda chap qanot himoyachisi qidirib bozorni o‘rganmoqda va Mark Kukurelyani o‘z safiga qo‘shib olishni istamoqda. Biroq, londonliklar hozircha futbolchini sotish niyatida emaslar.

"Atletiko" kuzatayotgan futbolchilar ro‘yxatidan, shuningdek, Karlos Romero ("Espanyol"), Maksimiliano Arauxo ("Sporting"), Nataniel Braun ("Ayntraxt") va Xoakin Seys ("Bryugge") o‘rin olgan. Shunga qaramay, aynan Kukurelya klub uchun asosiy maqsad bo‘lib turibdi.

Joriy APL mavsumida "Chelsi" himoyachisi 27 ta o‘yinda maydonga tushib, 1 ta gol urdi va 3 ta golli uzatmani amalga oshirdi.