Мадриднинг "Атлетико" клуби "Челси" футболчисига жиддий қизиқиш кўрсатмоқда.
As нашри хабарига кўра, Мадрид клуби айни дамда чап қанот ҳимоячиси қидириб бозорни ўрганмоқда ва Марк Кукурельяни ўз сафига қўшиб олишни истамоқда. Бироқ, лондонликлар ҳозирча футболчини сотиш ниятида эмаслар.
"Атлетико" кузатаётган футболчилар рўйхатидан, шунингдек, Карлос Ромеро ("Эспаньол"), Максимилиано Араухо ("Спортинг"), Натаниэль Браун ("Айнтрахт") ва Хоакин Сейс ("Брюгге") ўрин олган. Шунга қарамай, айнан Кукурелья клуб учун асосий мақсад бўлиб турибди.
Жорий АПЛ мавсумида "Челси" ҳимоячиси 27 та ўйинда майдонга тушиб, 1 та гол урди ва 3 та голли узатмани амалга оширди.
