Bosniya va Gersegovina terma jamoasi himoyachisi Nikola Katich Jahon chempionati — 2026 yo‘llanmasi uchun kechgan «A» yo‘li pley-off finalida Italiya ustidan qozonilgan g‘alabadan (1:1, penaltilar seriyasida — 4:1) so‘ng o‘z hissiyotlari bilan o‘rtoqlashdi.
«Nima ham deyishim mumkin? So‘nggi penaltidan keyin hammasi ayon bo‘ldi. Men juda faxrlanaman, hozir so‘z topishga qiynalyapman. Ilgari hech qachon o‘yindan keyin yig‘lamagan edim, yoshim 29 da, lekin bu safar ko‘zlarimga yosh keldi. Biz o‘z jangchilik ruhimizni namoyish etdik va buni Uels hamda Italiya kabi jiddiy raqiblarga qarshi ikkita o‘yinda isbotladik. Biz dunyoning eng kuchli terma jamoalaridan biriga qarshi o‘ynadik. Barchani tabriklayman», — deya Katichning so‘zlarini UEFA rasmiy sayti keltirmoqda.
Bosniyaliklar o‘z tarixida ikkinchi bor Jahon chempionatida ishtirok etadigan bo‘lishdi. Ular uchun birinchisi Braziliyada o‘tgan JCH-2014 turniri edi.
