Avstriya futbol ittifoqi milliy terma jamoa bosh murabbiyi Ralf Rangnik bilan hamkorlikni davom ettirish masalasini ko‘rib chiqmoqda. Bu haqda jurnalist Florian Plettenberg ijtimoiy tarmoqlarda xabar berdi.
Manbaning ma’lumotiga ko‘ra, tomonlar o‘rtasidagi muzokaralar ijobiy ruhda o‘tmoqda. Mutaxassisning amaldagi mehnat shartnomasi JCH-2026 yakuniga qadar mo‘ljallangan. Hozirda gap Yevro-2028 yakunigacha amal qiladigan yangi kelishuv haqida ketmoqda. Yangi shartnoma murabbiyga soliqlar to‘langunga qadar yiliga 2 million yevrogacha maosh olish imkonini berishi mumkin.
Yaqinlashib kelayotgan jahon chempionatining guruh bosqichida Avstriya terma jamoasi Argentina, Jazoir va Iordaniya jamoalariga qarshi bahs olib boradi.
