Австрия футбол иттифоқи миллий терма жамоа бош мураббийи Ральф Рангник билан ҳамкорликни давом эттириш масаласини кўриб чиқмоқда. Бу ҳақда журналист Флориан Плеттенберг ижтимоий тармоқларда хабар берди.

Манбанинг маълумотига кўра, томонлар ўртасидаги музокаралар ижобий руҳда ўтмоқда. Мутахассиснинг амалдаги меҳнат шартномаси ЖЧ-2026 якунига қадар мўлжалланган. Ҳозирда гап Евро-2028 якунигача амал қиладиган янги келишув ҳақида кетмоқда. Янги шартнома мураббийга солиқлар тўлангунга қадар йилига 2 миллион еврогача маош олиш имконини бериши мумкин.

Яқинлашиб келаётган жаҳон чемпионатининг гуруҳ босқичида Австрия терма жамоаси Аргентина, Жазоир ва Иордания жамоаларига қарши баҳс олиб боради.