Italiyada joriy mavsum yakunlanganidan so‘ng Milanning «Inter» klubi bosh murabbiyi Kristian Kivu jamoadan ketishi mumkinligi taxmin qilinmoqda.
«Neradzurrilar» 30-turdan so‘ng A Seriya turnir jadvalida peshqadamlik qilmoqda va «Milan»dan olti ochko oldinda bormoqda. Jurnalist Paskuale Guarro bergan ma’lumotlarga ko‘ra, agar jamoa chempionlikni qo‘ldan boy bersa, ruminiyalik murabbiy va uning yordamchilari jiddiy «xavf» ostida qoladilar.
Kristian Kivu o‘tgan yilning yozi boshida Saudiya Arabistoniga yo‘l olgan Simone Indzagining o‘rnini egallab, «Inter» bosh murabbiyi lavozimiga tayinlangan edi. 45 yoshli mutaxassisning Milan grandi bilan amaldagi shartnomasi 2027 yilning o‘rtalariga qadar mo‘ljallangan.
