Италияда жорий мавсум якунланганидан сўнг Миланнинг «Интер» клуби бош мураббийи Кристиан Киву жамоадан кетиши мумкинлиги тахмин қилинмоқда.
«Нерадзуррилар» 30-турдан сўнг А Серия турнир жадвалида пешқадамлик қилмоқда ва «Милан»дан олти очко олдинда бормоқда. Журналист Паскуале Гуарро берган маълумотларга кўра, агар жамоа чемпионликни қўлдан бой берса, руминиялик мураббий ва унинг ёрдамчилари жиддий «хавф» остида қоладилар.
Кристиан Киву ўтган йилнинг ёзи бошида Саудия Арабистонига йўл олган Симоне Индзагининг ўрнини эгаллаб, «Интер» бош мураббийи лавозимига тайинланган эди. 45 ёшли мутахассиснинг Милан гранди билан амалдаги шартномаси 2027 йилнинг ўрталарига қадар мўлжалланган.
