«Liverpul» himoyachisi Ibraima Konate va klub rahbariyati o‘rtasidagi yangi shartnoma borasidagi muzokaralar nega kechikayotgani ma’lum bo‘ldi. The Athletic nashri tarqatgan xabarga ko‘ra, asosiy sabab — moliyaviy shartlar.
Tomonlar o‘rtasidagi muloqot 2024 yilning oktyabr oyidan beri davom etmoqda. Klub futbolchiga bir necha bor taklif bilan chiqqan, biroq hozirgacha yakuniy kelishuvga erishilmagan.
Hozirda fransiyalik himoyachi haftasiga taxminan 150 000 funt maosh olmoqda. Futbolchi o‘z maoshini sezilarli darajada oshirishni va jamoaning eng ko‘p haq oluvchi yulduzlariga yaqinlashishni istamoqda. Qiyoslash uchun:
-
Muhammad Saloh: Haftasiga 400 000 funt (bonuslar va tijoriy kelishuvlar bilan bundan ham ko‘p);
-
Florian Virs: Bonuslar bilan haftasiga 250 000 funt atrofida ishlab topadi.
Manbaning ta’kidlashicha, Konate Saloh darajasidagi maoshni talab qilayotgani yo‘q, biroq uning ambisiyalari klub taklif qilayotgan raqamlardan ancha yuqori.
