«Ливерпуль» ҳимоячиси Ибраима Конате ва клуб раҳбарияти ўртасидаги янги шартнома борасидаги музокаралар нега кечикаётгани маълум бўлди. The Athletic нашри тарқатган хабарга кўра, асосий сабаб — молиявий шартлар.
Томонлар ўртасидаги мулоқот 2024 йилнинг октябрь ойидан бери давом этмоқда. Клуб футболчига бир неча бор таклиф билан чиққан, бироқ ҳозиргача якуний келишувга эришилмаган.
Ҳозирда франциялик ҳимоячи ҳафтасига тахминан 150 000 фунт маош олмоқда. Футболчи ўз маошини сезиларли даражада оширишни ва жамоанинг энг кўп ҳақ олувчи юлдузларига яқинлашишни истамоқда. Қиёслаш учун:
-
Муҳаммад Салоҳ: Ҳафтасига 400 000 фунт (бонуслар ва тижорий келишувлар билан бундан ҳам кўп);
-
Флориан Вирц: Бонуслар билан ҳафтасига 250 000 фунт атрофида ишлаб топади.
Манбанинг таъкидлашича, Конате Салоҳ даражасидаги маошни талаб қилаётгани йўқ, бироқ унинг амбициялари клуб таклиф қилаётган рақамлардан анча юқори.
