Madridning «Real» klubi hujumchisi Gonsalo Garsiya Londonning «Arsenal» klubi qiziqishlari doirasiga tushdi.

Sportsboom nashrining xabar berishicha, «kanonirlar» kelayotgan yozda Gabriel Jezusni 25 million yevro evaziga sotishga tayyor. Ingliz grandi rahbariyati braziliyalik futbolchining o‘rniga «Real»da doimiy o‘yin amaliyotiga ega bo‘lmayotgan Garsiyani taklif etishi mumkin. Ispaniyalik hujumchiga shuningdek, «Nyukasl» ham da’vogarlik qilmoqda, biroq «qarg‘alar»ning faolligi Nik Voltemade bilan xayrlashish-xayrlashmasliklariga bog‘liq bo‘ladi.

Transfermarkt portalida Gonsalo Garsiyaning taxminiy qiymati 30 million yevroni tashkil etadi, uning «qirollik klubi» bilan shartnomasi 2030 yilgacha mo‘ljallangan. Joriy mavsumda 22 yoshli forvard «qaymoqranglilar» safida 32 ta o‘yinda maydonga tushib, 6 ta gol va 2 ta golli uzatmani amalga oshirdi.