Мадриднинг «Реал» клуби ҳужумчиси Гонсало Гарсия Лондоннинг «Арсенал» клуби қизиқишлари доирасига тушди.

Sportsboom нашрининг хабар беришича, «канонирлар» келаётган ёзда Габриэль Жезусни 25 миллион евро эвазига сотишга тайёр. Инглиз гранди раҳбарияти бразилиялик футболчининг ўрнига «Реал»да доимий ўйин амалиётига эга бўлмаётган Гарсияни таклиф этиши мумкин. Испаниялик ҳужумчига шунингдек, «Ньюкасл» ҳам даъвогарлик қилмоқда, бироқ «қарғалар»нинг фаоллиги Ник Вольтемаде билан хайрлашиш-хайрлашмасликларига боғлиқ бўлади.

Transfermarkt порталида Гонсало Гарсиянинг тахминий қиймати 30 миллион еврони ташкил этади, унинг «қироллик клуби» билан шартномаси 2030 йилгача мўлжалланган. Жорий мавсумда 22 ёшли форвард «қаймоқранглилар» сафида 32 та ўйинда майдонга тушиб, 6 та гол ва 2 та голли узатмани амалга оширди.