O‘tmishning mashhur futbolchisi Xavyer Pastore hozirda Enso Fernandesning agenti sifatida faoliyat yuritmoqda. Pastore argentinalik futbolchining Madridda yashash istagi haqidagi gaplaridan so‘ng tarkibdan chetlatilganiga munosabat bildirdi.
«Enso vaziyatni tushunmadi. U murabbiyning qarorini qabul qildi, chunki u juda professional va doimo bor vujudi bilan harakat qiladi. U murabbiy qarorlarini hurmat qiladi. Ammo biz bu jazoni tushunmayapmiz, chunki u biron bir klub nomini tilga olmagan va «Chelsi»dan ketmoqchi ekanligini aytmagan — aksincha», — deya Pastorening so‘zlarini keltiradi The Touchline.
Enso Fernandesning «Chelsi» bilan shartnomasi 2031/2032 yilgi mavsum yakuniga qadar mo‘ljallangan.
