«Strasburg» klubining markaziy yarim himoyachisi Valentin Barko tez orada «Chelsi»ga o‘tadi. Bu haqda jurnalist Gaston Edul xabar bermoqda.

Manbaning ma’lumotlariga ko‘ra, 21 yoshli argentinalik futbolchi joriy mavsum yakunida London klubiga kelib qo‘shiladi. «Ko‘klar» Barko bilan shaxsiy shartnoma shartlari bo‘yicha kelishuvga erishishgan.

«Chelsi» bosh murabbiyi Liam Rocenyor ushbu yarim himoyachini juda yaxshi biladi, chunki u bilan Fransiya klubida birga ishlagan.

Joriy mavsumda Valentin Barko barcha turnirlarda 37 ta o‘yinda ishtirok etib, o‘z hisobiga 2 ta gol va 9 ta golli uzatmani yozdirib qo‘ydi.