«Страсбург» клубининг марказий ярим ҳимоячиси Валентин Барко тез орада «Челси»га ўтади. Бу ҳақда журналист Гастон Эдул хабар бермоқда.

Манбанинг маълумотларига кўра, 21 ёшли аргентиналик футболчи жорий мавсум якунида Лондон клубига келиб қўшилади. «Кўклар» Барко билан шахсий шартнома шартлари бўйича келишувга эришишган.

«Челси» бош мураббийи Лиам Роcеньор ушбу ярим ҳимоячини жуда яхши билади, чунки у билан Франция клубида бирга ишлаган.

Жорий мавсумда Валентин Барко барча турнирларда 37 та ўйинда иштирок этиб, ўз ҳисобига 2 та гол ва 9 та голли узатмани ёздириб қўйди.