Bugun, 4 aprel kuni Angliya Kubogi chorak finali doirasida Londonning «Arsenal» klubi «Sautgempton»ga qarshi bahs olib boradi. «To‘pchilar» bosh murabbiyi, garchi Kepa Arrisabalaga joriy mavsumda asosiy darvozabon bo‘lmasa-da, ushbu o‘yinda darvozani unga ishonib topshiradi.
Yaqinda ispaniyalik posbon Angliya liga kubogi finalida «Manchester Siti»ga qarshi o‘yinda (0:2) gol bilan yakunlangan xatoga yo‘l qo‘ygan edi, biroq bu holat londonliklar ustozining qaroriga ta’sir qilmadi.
«U o‘ynashga tayyor. Men hech qachon birgina yo‘l qo‘yilgan xato tufayli futbolchiga baho bermayman yoki qaror qabul qilmayman. U katta tajribaga ega va faoliyati davomida turli vaziyatlarni boshdan kechirgan», — dedi Arteta.
Joriy mavsumda Kepa 10 ta uchrashuvda ishtirok etdi va ularning to‘rttasida o‘z darvozasi daxlsizligini saqlab qoldi.
