«Chelsi» yarim himoyachisi Moyses Kaysedo Madridning «Real» klubiga ehtimoliy o‘tishi haqida yana bir bor fikr bildirdi.

Ekvadorlik futbolchi, «ko‘klar»ning boshqa ko‘plab yulduzlari kabi, «qirollik klubi» bilan bog‘lanmoqda.

«Futbolda nima bo‘lishini hech qachon bilmaysiz. Mening «Chelsi» bilan shartnomam bor, boshqa klubga o‘tish haqida o‘ylamaganman, lekin hech qachon aniq bir gap aytib bo‘lmaydi. Yagona istagim — o‘yindan zavq olish. Ko‘ramiz, kelajakda nimalar sodir bo‘larkin», — deya Kaysedoning so‘zlarini jurnalist Eduardo Burgos keltirmoqda.

Transfermarkt portali 24 yoshli yarim himoyachining bozor qiymatini 110 million yevroga baholamoqda. Futbolchining klub bilan shartnomasi 2031 yilgacha mo‘ljallangan.