Markus Reshfordning Madridning «Atletiko» klubi darvozasiga kiritgan goli «Barselona» uchun Xans-Diter Flik qo‘l ostidagi 300-gol bo‘ldi.
Madridliklar ustidan qozonilgan 2:1 hisobidagi g‘alabadan so‘ng «ko‘k-anorranglilar» hisobida nemis murabbiyi boshqaruvi ostida barcha turnirlarda jami 301 ta gol mavjud. Ushbu hayratlanarli ko‘rsatkichga erishish uchun bor-yo‘g‘i 107 ta o‘yin kifoya qildi. Ta’kidlash joizki, o‘tkazib yuborilgan to‘plar soni ham kam emas — 125 ta.
Xans-Diter Flik 2024 yilning yozida Xavi Ernandesning o‘rnini egallab, «Barselona» bosh murabbiyi lavozimida ish boshlagan edi.
