Robert Levandovskining o‘yin yakunida yo‘llagan aniq zarbasi «Barselona»ga La Liga doirasida Madridning «Atletiko» klubi ustidan g‘alaba keltirdi (2:1).
Polyak futbolchisi 79-daqiqada zaxiradan maydonga tushdi va 87-daqiqada «matraschilar» darvozasini ishg‘ol qilib, yakuniy hisobni o‘rnatdi.
«Men Levandovskidan va boshqa barcha futbolchilardan juda mamnunman. Uning kelajagimi? Bu haqda gapirishga hali erta. Oldinda chempionatning yana sakkizta o‘yini bor», – deya «Barselona» bosh murabbiyi Xans-Diter Flikning so‘zlarini keltirmoqda Barca Universal.
37 yoshli hujumchining «ko‘k-anorranglilar» bilan shartnomasi joriy mavsum yakunida o‘z nihoyasiga yetadi. Mish-mishlarga ko‘ra, Kataloniya klubi forvardga maoshi sezilarli darajada kamaytirilgan yangi kelishuv taklif qilish niyatida.
