«Manchester Siti» bosh murabbiyi Xosep Gvardiolaning kelajagi mavhumligicha qolmoqda.

So‘nggi vaqtlarda matbuotda ispaniyalik mutaxassisning joriy mavsum yakunida — shartnoma muddati tugashiga bir yil qolganda jamoani tark etishi haqidagi gap-so‘zlar tobora avj olmoqda.

Jurnalist Ben Jeykobsning ma’lumotlariga ko‘ra, «shaharliklar» rahbariyati Gvardiolaga iltimos bilan murojaat qilgan: klub bosh murabbiydan vaziyatga oydinlik kiritishni va amaldagi shartnoma muddati oxirigacha ishlash niyatida yoki yo‘qligi bo‘yicha aniq javob berishni so‘ragan.

Qayd etilishicha, murabbiyning kelajagi bilan bog‘liq noaniqlik «Siti»ga yaqin oradagi transferlarni rejalashtirishda xalaqit bermoqda. Klubda xotirjamlik saqlanib qolgan bo‘lsa-da, yaqin orada Pepdan aniq bir to‘xtamni eshitishga umid qilishmoqda.