Madridning «Atletiko» klubi prezidenti Enrike Sereso jamoa nima sababdan «Barselona» hujumchisi Ferran Torresni o‘z safiga qo‘shib olmoqchi ekanligini ochiqladi.

«Aslida hammasi juda oddiy. Tarix shuni ko‘rsatmoqdaki, har safar «Barselona»dan hujumchi sotib olganimizda, biz Ispaniya chempionatida g‘olib chiqqanmiz. Aynan shu sababli Ferran Torresni qo‘lga kiritmoqchimiz — biz ushbu g‘alabali an’anani saqlab qolishga intilyapmiz», — dedi Sereso.

Joriy mavsumda Ferran Torres «Barselona» safida 40 ta o‘yinda maydonga tushib, 16 ta gol urdi va 1 ta golli uzatmani amalga oshirdi. Uning kataloniyaliklar bilan shartnomasi 2027 yil yozigacha mo‘ljallangan.