Manbalarning xabariga ko‘ra, «Manchester Yunayted»ning asosiy egalaridan biri Djim Retkliff yozgi transfer oynasida futbolchilarni ommaviy ravishda sotib yuborishni talab qilmoqda. Ta’kidlanishicha, Retkliff davrida barqaror moliyaviy modelga ustuvorlik berilmoqda, shu sababli klub hozir va shu yerda natija bermayotgan, yuqori maosh oluvchi o‘yinchilardan voz kechmoqda.
Ma’lumotlarga ko‘ra, jamoani sakkizdan ortiq futbolchi tark etishi mumkin. Ular qatorida Markus Rashford, Joshua Zirkzee, Manuel Ugarte, Andre Onana va Rasmus Xoylund nomlari tilga olinmoqda. Bundan tashqari, Kazemiro jamoadan ketishi aniq, shuningdek, Jeydon Sancho va Tayrell Malasiya bilan xayrlashish ehtimoli ham juda yuqori.
Retkliff ushbu sotuvlardan kamida 100 million funt ishlab olishni rejalashtirgan. Hozirda «Manchester Yunayted» APLda uchinchi o‘rinni egallab turibdi va peshqadam «Arsenal»dan 15 ochko orqada qolmoqda.
