Javohir Sindarov ketma-ket 4 ta g‘alabadan keyin bugun durang qayd etdi. "Duranglar qiroli" deya laqab olgan niderlandiyalik shaxmatchi Anish Giri qora donalarda o‘ynaganiga qaramay o‘zbekistonlik sportchiga qarshi partiyada durang natijaga erisha oldi.
Hamyurtimiz o‘yin o‘rtasida kichik ustunlikni qo‘lga kiritdi. Ammo 41-yurishda Sindarov raqib piyodasini urib olganidan keyin vaziyat tenglashib qoldi. Shundan so‘ng Giri aniq yurishlar orqali durangni saqlab qolishga muvaffaq bo‘ldi.
Bugungi bahslar orasida faqat Vey-Yi g‘alaba qozondi (Esipenko ustidan). Fabiano Karuana esa Pragnanadhaga qarshi qora donalarda durang qayd etdi.
Sindarov birinchi davradan so‘ng 6,0 ochko bilan peshqadam bo‘lib turibdi. Karuana hisobida 4,5 ochko bor. Giri va Rameshbabu 3,5 ochko bilan 3-4-o‘rinlarni band etgan.
Musobaqada ertaga dam olish kuni. 7 aprel kuni Sindarov Andrey Yesipenkoga qarshi qora donalarda o‘ynaydi.
