Yarim himoyachi Enso Fernandes «Chelsi»ning ikkita o‘yinidan chetlatildi. Klub argentinalik futbolchini Madridda yashash istagi haqida aytgan gaplari uchun jazolashga qaror qildi. Ko‘rinib turibdiki, «aristokratlar» lagerida o‘yinchining bu so‘zlarini turli mish-mishlar fonida «Real»ga o‘tish niyati sifatida qabul qilishgan.
The Touchline nashrining xabar berishicha, «Chelsi» bosh murabbiyi Liam Rosenyorning Fernandesning chetlatilishiga aloqasi yo‘q. Bu qaror klub rahbariyati tomonidan qabul qilingan. Rahbarlar Ensoning gaplaridan norozi bo‘lishdi, chunki bungacha ular futbolchini klub loyihasiga to‘liq sodiq deb ishonishgan edi.
Shu bilan birga, Rosenyor hamon Fernandesni kelajakdagi asosiy va muhim futbolchi sifatida ko‘rayotgani qayd etilgan.
