Ярим ҳимоячи Энцо Фернандес «Челси»нинг иккита ўйинидан четлатилди. Клуб аргентиналик футболчини Мадридда яшаш истаги ҳақида айтган гаплари учун жазолашга қарор қилди. Кўриниб турибдики, «аристократлар» лагерида ўйинчининг бу сўзларини турли миш-мишлар фонида «Реал»га ўтиш нияти сифатида қабул қилишган.
The Touchline нашрининг хабар беришича, «Челси» бош мураббийи Лиам Росеньорнинг Фернандеснинг четлатилишига алоқаси йўқ. Бу қарор клуб раҳбарияти томонидан қабул қилинган. Раҳбарлар Энцонинг гапларидан норози бўлишди, чунки бунгача улар футболчини клуб лойиҳасига тўлиқ содиқ деб ишонишган эди.
Шу билан бирга, Росеньор ҳамон Фернандесни келажакдаги асосий ва муҳим футболчи сифатида кўраётгани қайд этилган.
