Milanning "Inter" klubi markaziy himoyachisi Alessandro Bastoni "Barselona"ga o‘tishga umid qilmoqda.
Kataloniya klubi allaqachon italiyalik futbolchi bilan hamkorlik shartlarini muhokama qilmoqda. "Ko‘k-anorranglilar" vakillari vaziyat ularning "nazorati ostida" ekanligini ta’kidlashmoqda, biroq shartnomaning ayrim bandlari hali kelishib olinmagan. Shu bilan birga, Mundo Deportivo nashri xabariga ko‘ra, Bastonining o‘zi kelishuv iloji boricha tezroq yakunlanishi va rasmiylashtirilishini istamoqda. 26 yoshli futbolchi La Liga grandi kechiktirmasdan harakat qilishi kerakligiga ishonchi komil: "neradzurrilar" bilan muzokaralar qanchalik tez o‘tsa, transfer shunchalik arzonga tushadi.
"Barselona" Alessandro Bastoni uchun taxminan 55-60 mln yevro to‘lashga tayyor. Ba’zi ma’lumotlarga ko‘ra, "Inter" 70 mln yevrodan ko‘proq mablag‘ talab qilmoqda.
