Миланнинг "Интер" клуби марказий ҳимоячиси Алессандро Бастони "Барселона"га ўтишга умид қилмоқда.
Каталония клуби аллақачон италиялик футболчи билан ҳамкорлик шартларини муҳокама қилмоқда. "Кўк-анорранглилар" вакиллари вазият уларнинг "назорати остида" эканлигини таъкидлашмоқда, бироқ шартноманинг айрим бандлари ҳали келишиб олинмаган. Шу билан бирга, Mundo Deportivo нашри хабарига кўра, Бастонининг ўзи келишув иложи борича тезроқ якунланиши ва расмийлаштирилишини истамоқда. 26 ёшли футболчи Ла Лига гранди кечиктирмасдан ҳаракат қилиши кераклигига ишончи комил: "нерадзуррилар" билан музокаралар қанчалик тез ўтса, трансфер шунчалик арзонга тушади.
"Барселона" Алессандро Бастони учун тахминан 55-60 млн евро тўлашга тайёр. Баъзи маълумотларга кўра, "Интер" 70 млн евродан кўпроқ маблағ талаб қилмоқда.
