"Liverpul" bosh murabbiyi Arne Slot joriy mavsum yakunlanganidan keyin klubni tark etmoqchi.

Indykaila News xabariga ko‘ra, tomonlar yozda xayrlashish borasida allaqachon kelishib olishgan. Niderlandiyalik mutaxassis mavsum oxirigacha ishlashi, shundan so‘ng lavozimini tark etishi kutilmoqda. Bunday qarorni 47 yoshli mutaxassisning o‘zi qabul qilgan.

Arne Slot 2024 yilning yozidan buyon "Liverpul" boshqaruvida ishlab kelmoqda, uning amaldagi shartnomasi 2026/27 yilgi mavsum yakuniga qadar mo‘ljallangan.

Hozirda "qizillar" Premyer-liga turnir jadvalida beshinchi o‘rinni egallab turishibdi. Slotning o‘rnini egallashi mumkin bo‘lgan eng asosiy nomzod sifatida shu yilning yanvar oyida Madridning "Real" klubidan bo‘shatilgan Xabi Alonso ko‘rilmoqda.