Milanning "Inter" klubi Italiya A Seriyasining navbatdagi turida "Roma"ni ojiz qoldirib, uning darvozasiga beshta gol joyladi. Jamoaning ushbu o‘yinidan ruminiyalik murabbiy Kristian Kivu juda mamnun va o‘z futbolchilarini maqtadi.
"Barcha tomonidan ajoyib ishtirok guvohi bo‘ldik. Savollarga javoblar maydonda berildi. Biz avvalgi xatolarimizni takrorlamaslikka harakat qilamiz", – deya Kivuning so‘zlaridan iqtibos keltirmoqda fcinter1908.it.
Endi "Inter"ga "Napoli" va "Milan" o‘rtasidagi uchrashuv natijasini kutish qoldi. Ushbu o‘yinda qolgan turlarda A Seriya peshqadamining asosiy ta’qibchisi kim bo‘lishi aniqlanadi. Klub so‘nggi bor 2024 yilda chempionlikni qo‘lga kiritgan edi.













