"Real" hujumchisi Vinisius Junior Chempionlar Ligasi doirasida "Bavariya"ga qarshi bo‘lib o‘tadigan o‘yin oldidan o‘tkazilgan matbuot anjumanida ishtirok etdi. Braziliyalik futbolchi "Barselona" vingeri Lamin Yamalni qo‘llab-quvvatladi.
"Lamin Yamalning irqchilik borasida o‘z fikrini bildirgani juda muhim. Biz mashhurmiz va irqchilik ko‘rinishlariga qarshi birgalikda kurashishimiz kerak", — dedi Vinisius jurnalistlarga.
Avvalroq Yamal Ispaniya terma jamoasi ishtirokidagi o‘yin vaqtida musulmonlar haqida haqoratli shiorlar aytgan muxlislarni tanqid qilgan edi. Vinisius Junior "Barselona" yulduzining o‘sha postiga "layk" bosgan.
