Seshanba oqshomida «Real» va «Bavariya» jamoalari Chempionlar ligasi 1/4 finalining dastlabki uchrashuvida «Santyago Bernabeu» maydonida to‘qnash kelishadi.

Myunxen jamoasi yarim himoyachisi Yozua Kimmix bo‘lajak o‘yin haqida o‘z fikrlarini bildirdi.

«Biz har bir o‘yinda o‘z uslubimizni o‘tkazishni istaymiz. «Real»ning o‘ziga xos uslubi bor — ular istalgan vaziyatda xavf tug‘dira olishadi. Biz uchun maydonda o‘z kuchli tomonlarimizni ko‘rsatish muhim. Albatta, biz «Real»ning o‘yin uslubiga ham moslashamiz», — dedi Kimmix matbuot anjumanida.