Сешанба оқшомида «Реал» ва «Бавария» жамоалари Чемпионлар лигаси 1/4 финалининг дастлабки учрашувида «Сантьяго Бернабеу» майдонида тўқнаш келишади.
Мюнхен жамоаси ярим ҳимоячиси Йозуа Киммих бўлажак ўйин ҳақида ўз фикрларини билдирди.
«Биз ҳар бир ўйинда ўз услубимизни ўтказишни истаймиз. «Реал»нинг ўзига хос услуби бор — улар исталган вазиятда хавф туғдира олишади. Биз учун майдонда ўз кучли томонларимизни кўрсатиш муҳим. Албатта, биз «Реал»нинг ўйин услубига ҳам мослашамиз», — деди Киммих матбуот анжуманида.













