Karlo Anchelotti o‘z kelajagi bilan bog‘liq masalani deyarli hal qildi. ESPN nashrining Braziliya filiali xabar berishicha, tajribali italiyalik mutaxassis Braziliya futbol konfederasiyasi bilan shartnomani uzaytirish bo‘yicha kelishuvga erishgan.
Yangi shartnomaga ko‘ra, Anchelotti Braziliya terma jamoasida 2030 yilgi jahon chempionati yakuniga qadar faoliyat yuritadi. Hujjatlar allaqachon tayyor — faqat ularni imzolash qolgan, xolos.
Hozirda Karlo Anchelotti Braziliya terma jamoasini 2026 yilgi mundialdagi ishtirokka tayyorlamoqda. Gurruh bosqichida "selesao" Marokash, Gaiti va Shotlandiya terma jamoalariga qarshi bahs olib boradi.
Qo‘shimcha qilish joizki, Braziliya terma jamoasi oxirgi marta 2002 yilda jahon chempioni bo‘lgan edi.













