Карло Анчелотти ўз келажаги билан боғлиқ масалани деярли ҳал қилди. ESPN нашрининг Бразилия филиали хабар беришича, тажрибали италиялик мутахассис Бразилия футбол конфедерацияси билан шартномани узайтириш бўйича келишувга эришган.
Янги шартномага кўра, Анчелотти Бразилия терма жамоасида 2030 йилги жаҳон чемпионати якунига қадар фаолият юритади. Ҳужжатлар аллақачон тайёр — фақат уларни имзолаш қолган, холос.
Ҳозирда Карло Анчелотти Бразилия терма жамоасини 2026 йилги мундиалдаги иштирокка тайёрламоқда. Гурруҳ босқичида "селесао" Марокаш, Гаити ва Шотландия терма жамоаларига қарши баҳс олиб боради.
Қўшимча қилиш жоизки, Бразилия терма жамоаси охирги марта 2002 йилда жаҳон чемпиони бўлган эди.













