Superliga 6-turidan o‘rin olgan "Mash’al" - "Bunyodkor" (0:1) uchrashuvidan so‘ng mehmonlar ustozi Ilyos Zeytullayev uchrashuvdan keyingi matbuot anjumanida ishtirok etdi.

- "Mash’al"ni qo‘llab-quvvatlamoqchi edim. Agar jamoa shunday o‘yin namoyish etsa, Muborakda har bir jamoa qiynaladi. Biz bu yerdan oltinga teng uch ochko bilan ketyapmiz. Bunday qiyin davrda yana uch ochkoni qo‘lga kiritish devor qurilishidagi bir g‘ishtga o‘xshaydi. Yigitlarga rahmat. Klubda ishlayotgan barchaga rahmat", - dedi Ilyos Zeytullayev bahs yakunlangach.

- Najmiddin Normurodovning bugungi o‘yini haqida gapirib o‘tsangiz? Normurodov bugungi o‘yinning eng yaxshi o‘yinchisi deb topildi...

- Men uchun bu syurpriz emas. Men aynan Najmiddin eng yaxshisi bo‘ldi demayman, butun jamoa yaxshi o‘ynadi. U jamoa sardori sifatida jangovarlik xarakterini ko‘rsatdi. Umuman olganda uning o‘yinida o‘sish kuzatilmoqda.

- "Mash’al" o‘n kishi bo‘lib qolishiga qaramay. "Bunyodkor" baribir ko‘proq himoyalanib, hujumga o‘tishga harakat qildi. "Bunyodkor" bugun durangga ham rozimidi?

- Raqib jamoa o‘n kishi bo‘lib qolganida ruhiy jihatdan o‘zgarish bo‘ladi. Biz yutqazib qo‘yishimiz ham mumkin edi. Bu ko‘proq murabbiylar shtabidan emas, maydondagi futbolchilarning o‘ziga bog‘liq. Yigitlar o‘yinni o‘qishdi. Shuning uchun men jamoa o‘yinni oldindan o‘qiy oldi deb ayta olaman.

- Maydon holati haqida qanday fikrdasiz? Bugun yomg‘ir yog‘di-ku.

- Ayrim zonalarda to‘p to‘xtab qoldi va shu sababli uzun paslar ko‘paydi. Yakkakurashlarda g‘olib bo‘ladigan jamoa g‘alaba qozonishini bilardik. Yigitlar esa maydonning har bir santimetri uchun kurashishdi. Bularning barchasi yakunda bizga g‘alaba keltirdi. Yaratgan bizni himoya qilib, yordam bermoqda.

- Futbolchilar to‘rt oydan buyon oylik olmayapti. Rag‘batlantirish yo‘q vaqtda yigitlarni qanday ruhlantiryapsiz? Bunday natijaga qanday erishyapsizlar?

- Biz bu haqda yig‘inlar vaqtida xabar topgandik. Shundan so‘ng to‘rt oy vaqt o‘tdi. Yana takrorlanib, yig‘lamoqchi emasman. Jamoani birlashtirib turadigan ko‘rinmas jihatlar bor. Yigitlarimiz professionallar.

- Debyutant futbolchining o‘yinidan qanchalik qoniqdingiz?

- Joriy mavsumda bir nechta yosh yigitlar jamoamizda debyut qilishdi. Vaziyatdan kelib chiqib, u debyut qildi va juda yaxshi o‘yin namoyish etdi.