"PSJ" darvozaboni Matvey Safonov Chempionlar ligasi chorak finali doirasida "Liverpul" ustidan qozonilgan g‘alabali o‘yindan (2:0) so‘ng jurnalistlar bilan suhbatlashdi.
Parijliklar darvoza tomon 18 ta zarba yo‘llashdi, mehmonlar esa bunga atigi uchta urinish bilan javob qaytarishdi. Rossiyalik posbon jamoani qutqarishiga hojat qolmadi — "qizillar" darvoza sohasiga birorta ham aniq zarba bera olishmadi.
"Biz Liverpulda ham g‘alaba qozonishni istaymiz — kiyinish xonamizda aynan shunday kayfiyat hukmron. Biz tayyor bo‘lamiz. Bugungi o‘yindan mamnunman, chunki "Liverpul"ning hujumda ishlari unchalik yurishmadi, shu bilan birga, javob uchrashuvida bunday bo‘lishi amrimahol ekanini tushunib turibman. Bugun muhit ajoyib edi — muxlislarimiz bizni dahshatli tarzda qo‘llab-quvvatlashdi", – dedi Safonov "PSJ" klub telekanaliga bergan intervyusida.
