"ПСЖ" дарвозабони Матвей Сафонов Чемпионлар лигаси чорак финали доирасида "Ливерпуль" устидан қозонилган ғалабали ўйиндан (2:0) сўнг журналистлар билан суҳбатлашди.
Парижликлар дарвоза томон 18 та зарба йўллашди, меҳмонлар эса бунга атиги учта уриниш билан жавоб қайтаришди. Россиялик посбон жамоани қутқаришига ҳожат қолмади — "қизиллар" дарвоза соҳасига бирорта ҳам аниқ зарба бера олишмади.
"Биз Ливерпулда ҳам ғалаба қозонишни истаймиз — кийиниш хонамизда айнан шундай кайфият ҳукмрон. Биз тайёр бўламиз. Бугунги ўйиндан мамнунман, чунки "Ливерпуль"нинг ҳужумда ишлари унчалик юришмади, шу билан бирга, жавоб учрашувида бундай бўлиши амримаҳол эканини тушуниб турибман. Бугун муҳит ажойиб эди — мухлисларимиз бизни даҳшатли тарзда қўллаб-қувватлашди", – деди Сафонов "ПСЖ" клуб телеканалига берган интервьюсида.
