«Liverpul» bosh murabbiyi Arne Slot APL doirasida «Fulxem»ga qarshi o‘yin oldidan o‘tkazilgan matbuot anjumanida klub rahbariyati tomonidan bo‘layotgan ishonch haqida gapirib o‘tdi.
8 aprel kuni mersisaydliklar Chempionlar Ligasi chorak finalining ilk bahsida «PSJ»ga (0:2) imkoniyatni boy berishgan edi.
«Buni tez-tez takrorlab turaman, lekin men katta qo‘llab-quvvatlashni his qilyapman. Nafaqat egalarimizdan, balki Richard Xyuz va Maykl Edvards tomonidan ham kuchli dastak bor.
Qanchalik g‘alati eshitilmasin, muxlislarning daldasini ham sezib turibman. «Manchester Siti»dan uchralgan 0:4 hisobidagi mag‘lubiyatdan keyin ham muxlislar «Biz «Liverpul»ni sevamiz» deb kuylashdi. To‘g‘risini aytsam, o‘sha o‘yinda bizni 90 daqiqa davomida mag‘lub etishdi, lekin ular baribir qo‘shiq aytishda va bizni olqishlashda davom etishdi.
Qanday vaziyatda turganimizni tushunib turibmiz va shu bilan birga, men to‘liq qo‘llab-quvvatlashni his qilyapman», — dedi Arne Slot.
