«PSJ»ning rossiyalik posboni Matvey Safonov Fransiya chempionati doirasidagi «Tuluza» bilan o‘yinda (3:1) yo‘l qo‘ygan xatosidan so‘ng o‘ziga nisbatan bo‘layotgan tanqidlarga javob qaytardi.
E’tiborlisi, ushbu xatoga qaramay, Safonov YECHL chorak finalida «Liverpul»ga qarshi bahsda asosiy tarkibda maydonga tushdi va o‘z darvozasi daxlsizligini saqlab qoldi.
«Nima uchun menda shubhalar bo‘lishi kerak? Nima uchun stressni his qilishim lozim? Siz bilasizmi? Men esa yo‘q. Hech kim yuzimga qarab salbiy gap aytgani yo‘q. Matbuotni o‘qimayman, shuning uchun xabarim yo‘q. Agar tanqid bo‘lgan bo‘lsa, bu normal holat, chunki «PSJ» — katta klub va uning muxlislari ko‘p. Xato qilganingizda odamlar norozi bo‘lishi tabiiy: yaxshi o‘ynasangiz — hamma siz tomonda, xato qilsangiz — aksincha», — deya Safonovning so‘zlarini Maxifoot nashri keltirmoqda.
