«ПСЖ»нинг россиялик посбони Матвей Сафонов Франция чемпионати доирасидаги «Тулуза» билан ўйинда (3:1) йўл қўйган хатосидан сўнг ўзига нисбатан бўлаётган танқидларга жавоб қайтарди.
Эътиборлиси, ушбу хатога қарамай, Сафонов ЕЧЛ чорак финалида «Ливерпуль»га қарши баҳсда асосий таркибда майдонга тушди ва ўз дарвозаси дахлсизлигини сақлаб қолди.
«Нима учун менда шубҳалар бўлиши керак? Нима учун стрессни ҳис қилишим лозим? Сиз биласизми? Мен эса йўқ. Ҳеч ким юзимга қараб салбий гап айтгани йўқ. Матбуотни ўқимайман, шунинг учун хабарим йўқ. Агар танқид бўлган бўлса, бу нормал ҳолат, чунки «ПСЖ» — катта клуб ва унинг мухлислари кўп. Хато қилганингизда одамлар норози бўлиши табиий: яхши ўйнасангиз — ҳамма сиз томонда, хато қилсангиз — аксинча», — дея Сафоновнинг сўзларини Maxifoot нашри келтирмоқда.
