«Barselona» bosh murabbiyi Xansi Flik matbuot anjumanida u uchun qaysi musobaqa — Ispaniya chempionatimi yoki Chempionlar ligasi muhimroq ekani haqidagi savolga javob berdi.
— Siz uchun qaysi biri ustuvor: La Ligami yoki Chempionlar ligasi?
— Albatta, La Liga orqali biz Chempionlar ligasiga yo‘l olamiz, ammo har bir futbolchi va murabbiyning orzusi — Chempionlar ligasida g‘olib chiqish. Biz aynan shu maqsadda u yerda ishtirok etamiz. Har bir o‘yinda ko‘rinib turibdiki, ushbu turnirda biz bir oz ko‘proq motivasiyaga ega bo‘lamiz. Bu biz yutishni istagan turnir. Biz La Ligada o‘z ishimizni qilishimiz kerak, lekin eng muhimi — Chempionlar ligasidagi g‘alaba. Bu klubning asosiy maqsadi, — dedi Flik.
Eslatib o‘tamiz, shu hafta «Barselona» Chempionlar ligasi chorak finalining dastlabki bahsida o‘z maydonida «Atletiko»ga 0:2 hisobida imkoniyatni boy bergan edi.
