«Барселона» бош мураббийи Ханси Флик матбуот анжуманида у учун қайси мусобақа — Испания чемпионатими ёки Чемпионлар лигаси муҳимроқ экани ҳақидаги саволга жавоб берди.
— Сиз учун қайси бири устувор: Ла Лигами ёки Чемпионлар лигаси?
— Албатта, Ла Лига орқали биз Чемпионлар лигасига йўл оламиз, аммо ҳар бир футболчи ва мураббийнинг орзуси — Чемпионлар лигасида ғолиб чиқиш. Биз айнан шу мақсадда у ерда иштирок этамиз. Ҳар бир ўйинда кўриниб турибдики, ушбу турнирда биз бир оз кўпроқ мотивацияга эга бўламиз. Бу биз ютишни истаган турнир. Биз Ла Лигада ўз ишимизни қилишимиз керак, лекин энг муҳими — Чемпионлар лигасидаги ғалаба. Бу клубнинг асосий мақсади, — деди Флик.
Эслатиб ўтамиз, шу ҳафта «Барселона» Чемпионлар лигаси чорак финалининг дастлабки баҳсида ўз майдонида «Атлетико»га 0:2 ҳисобида имкониятни бой берган эди.
