Londonning «Tottenxem» klubi futbolchilari yangi bosh murabbiy Roberto De Dzerbidan mamnun. Bu haqda jurnalist Migel Delani xabar bermoqda.

Manbaning ma’lumotiga ko‘ra, De Dzerbi mashg‘ulotlar jarayonini sezilarli darajada o‘zgartirgan va bu futbolchilarga manzur kelmoqda. Murabbiy ish jarayoniga yangi g‘oyalar va kuchli energiya olib kirdi. Qayd etilishicha, jamoadagi muhit ham ancha yaxshilangan. Futbolchilarning fikricha, De Dzerbi qisqa vaqt ichida ularga Tomas Frenk, Ange Postekoglu va Igor Tudorning uchchovi birgalikda berganidan ko‘proq narsa bera olgan.

De Dzerbi 31 mart kuni Igor Tudorning o‘rnini egallab, «Tottenxem» boshqaruvini qo‘lga olgan edi. Italiyalik mutaxassis oldidagi asosiy vazifa — jamoani Premyer-ligada olib qolish. Ayni damda «shporlar» 31 ta o‘yindan so‘ng 18-o‘rinni egallab, xavfli hududda bormoqda.